„Það væri glæpur gegn mannkyninu ef hvítir myndu hverfa“

„Þessi fjölmenningastefna sem er í gangi er hrein og klár útrýmingarstefna,“ segir Skúli Jakobsson, sem Lóa Pind Aldísardóttir ræddi við í fréttaskýringaþættinum Brestir á Stöð 2 í gær.

Skúli lítur svo á að verið sé að útrýma hvíta kynstofninum með innflytjendum af öðrum kynþáttum.

Skúli segir að þessi útrýmingarstefna sé aðeins rekin í hvítum löndum eins og hann orðar þar.

„Stórir hópar af öðru en hvítu fólki er flutt inn í hvít lönd, sem verður til þess að hvítt fólk hverfur með tímanum.“

En hvað vill Skúli gera í málinu?

„Ég vil stöðva innflutning og snúa honum við. Búa til heimaland fyrir hvítt fólk, rétt eins og fjölmargir aðrir kynþættir hafa sín verndarsvæði, þá þurfum við á okkar að halda. Það væri glæpur gegn mannkyninu ef hvítir myndu hverfa.“

Þátturinn í gær var helgaður kynþáttafordómum og tilraun gerð til að skilja hvaðan þeir spretta og hversu útbreiddur útlendingaótti er á Íslandi.