Game Tíví: Hvor er ljótari?

Game Tíví bræður, Ólafur Þór Jóelsson og Sverrir Bergmann, snúa aftur hér á Vísi. Þeir munu koma til með að vera með nýtt og ferskt efni úr tölvuleikjaheiminum í viku hverri fram á sumar. Í fyrsta þættinum keppa þeir um það sín á milli hvort getur skapað ljótari persónu.

Í tölvuleiknum Dragon Age Inquisition er mjög fullkomið kerfi til að búa til sínar eigin persónur. Svessi og Óli ákváðu að láta reyna á hversu sveigjanlegt þetta kerfi er og ákváðu að henda í keppni. Sigurvegarinn yrði sá sem gæti gert ljótari kvikindi í leiknum.

Sverrir telur sig hafa gott forskot í keppninni þar sem hann er búinn að vera lengi í kringum Óla og hefur þar með góða fyrirmynd af sýnu kvikindi, en Óli fer hinsvegar út á ystu nöf og valdi sér að búa til eins ljóta konu og hann mögulega gat.

En hvor þeirra hefur vinninginn?