Erlendir vígamenn streyma nú til Sýrlands og Írak til að ganga til liðs við Íslamska ríkið og aðra uppreisnarhópa. Talið er að allt að tuttugu þúsund menn hafi lagt land undir fót og þar á meðal 3.400 frá vestrænum ríkjum.
Leyniþjónustur Bandaríkjanna segja þessar tölur vera áður óþekktar.
Þá hefur Barack Obama, forseti Bandaríkjanna, beðið þingið um að heimila „takmarkaðan landhernað“ gegn Íslamska ríkinu til þriggja ára. Á vef CNN kemur fram að það sé í fyrsta sinn í þrettán ár sem forseti biður um slíka heimild.
Samkvæmt skjölum sem AP fréttaveitan hefur undir höndum eru þessi tuttugu þúsund vígamenn frá 90 löndum. Þá er talið að margir þeirra muni reyna að komast aftur til heimalanda sinna til að fremja hryðjuverk þar.
Beiðnina má sjá hér á heimasíðu Utanríkisráðuneytis Bandaríkjanna.
Biður um heimild fyrir landhernaði gegn ISIS
Tengdar fréttir
Segir helming leiðtoga ISIS hafa verið fellda
John Kerry, utanríkisráðherra Bandaríkjanna, segir loftárásir hafa stöðvað framgang vígamanna.
Vígamenn IS frömdu fjöldamorð í Vestur Írak
BBC hefur eftir fólki á svæðinu að bæði konum og körlum hafi verið stillt upp og þau skotin fyrir að hafa veitt IS mótþróa.
Vígamenn IS yfir 200 þúsund
Það er sexfalt meira en Bandaríkjamenn hafa gefið upp.
ISIS-liðar brenndu flugmanninn lifandi
Í nýju myndbandi frá samtökunum sést hvernig flugmaðurinn Mu'ath Al-Kasaesbeh frá Jórdaníu var brenndur í búri.
ISIS nota þroskaskert börn til sjálfsmorðsárása
Börn sem hryðjuverkasamtökin hafa handsamað eru seld í kynlífsánauð og myrt samkvæmt Sameinuðu þjóðunum.
Segjast hafa gert 56 loftárásir gegn ISIS
„Við náðum markmiði okkar. Að hefna fyrir Muath. Þetta er þó ekki endirinn, þetta er bara byrjunin,“ segir yfirmaður flughers Jórdaníu.
