Við erum að kanna sannleiksgildi Íslendingasagnanna. Við tökum fyrir Njálu og ég ákvað að fá hann til að prófa hvort það sé mögulegt að Gunnar á Hlíðarenda hafi hoppað hæð sína í loft upp og svo framvegis,“ segir leikarinn Guðjón Davíð Karlsson, oftast kallaður Gói. Hann er þáttarstjórnandi Stundarinnar okkar og fékk kraftajötuninn Hafþór Júlíus Björnsson til að leika Gunnar á Hlíðarenda.
Stundin okkar er í tökum núna og fer nýja þáttaröðin í loftið næsta vetur.
„Fjöldi leikara kemur fram í þessari nýju þáttaröð. Það er mikil spenna og eftirvænting í loftinu,“ segir Gói en hann vill lítið segja um hverjir aðrir leggja hönd á plóg í barnaþættinum.
„Það er hernaðarleyndarmál enn sem komið er. En þetta verður eitthvað,“ segir Gói. Heimildir Fréttablaðsins herma að leikararnir Jóhann Sigurðarson, Ilmur Kristjánsdóttir, Halldóra Geirharðsdóttir og Sigrún Edda Björnsdóttir komi við sögu í þáttunum.
Hafþór Júlíus hefur vakið heimsathygli fyrir hlutverk sitt sem Sir Gregor Clegane, eða Fjallið, í sjónvarpsþáttunum Game of Thrones. Vakti hrottafengin slagsmálasena sem sýnd var fyrir stuttu sérstaka athygli þar sem Fjallið barðist við Oberyn prins, betur þekktur sem The Viper.
Hafþór Júlíus leikur í Stundinni okkar
Tengdar fréttir
Vinir þrátt fyrir hrottafengið atriði í Game of Thrones
Pedro Pascal og Hafþór Júlíus Björnsson í stuði á Instagram.
Fjallið fékk sér flúr
Hafþór Júlíus á íslensku tattúráðstefnunni.
„Kremja, brjóta, rista, brenna, drepa. Ég er náttúran“
Hafþór Júlíus í viðtali í GQ.
Hafþór Júlíus í viðtali við New York Post
"Ég meina, hver myndi ekki elska að leika Fjallið í Game of Thrones?“
„Viðurkenni alveg að ég var mjög stressaður“
Sterkasti maður Íslands, Hafþór Júlíus, fer með hlutverk Gregors Clegane í hinum geysivinsælu þáttum Game of Thrones og tekur sig vel út á sjónvarpsskjánum.
