Cuban hafði óbeit á jólatreyjunum

Mark Cuban, eigandi Dallas Mavericks, var ekki ánægður með stuttermatreyjurnar sem NBA-leikmenn spiluðu í á jóladag.

Cuban klæðist yfirleitt sjálfur stuttermabolum þegar hann mætir á leiki síns liðs en hann vill halda gamla útlitinu fyrir sína leikmenn.

„Ég hataði þá,“ sagði Cuban við fjölmiðla vestanhafs. „Mér fannst bara strákarnir líta út eins og glímukappar, frekar en körfuboltamenn.“

Treyjurnar voru níðþröngar, sem Cuban gagnrýndi einnig. Hann sagði að búningarnir væru greinilega ekki hannaðir með hinn venjulega stuðningsmann í huga.