Aníta vann besta afrekið

Hlaupakonan Aníta Hinriksdóttir úr ÍR vann besta frekið á Ármóti Fjölnis sem haldið var í gær. Síðar um kvöldið hafnaði Aníta í 2. sæti í kjörinu á íþróttamanni ársins.

Aníta hljóp 400 metra hlaupið á tímanum 55,87 sek. Fyrir það hlaut hún 1030 stig og farandbikar Áramóts Fjölnis til varðveislu fram að næsta móti. Þórdís Eva Steinsdóttir, 13 ára stúlka úr FH, bætti aldursflokkamet í 400 metra hlaupi í flokki 13 og 14 ára stúlkna. Hún varð í 2. sæti í 400 m hlaupinu á tímanum 57,57 sek.

Af öðrum úrslitum má nefna að Kolbeinn Höður Gunnarsson UFA sigraði í 200 m hlaupi á 22,14 sek. Í öðru sæti var Haraldur Einarsson úr HSK en hann kom fyrstur í mark í 60 m hlaupi á 7,22 sek.

Kristinn Þór Kristinsson HSK sigraði í 800 m hlaupi á 1:55,12 mínútum. Kári Steinn Karlsson úr Breiðabliki sigraði í 5000 metra hlaupi á 14:34,03 mínútum.

 

Hrafnhild Eir Hermóðsdóttir úr ÍR sigraði í bæði 60 metra og 200 metra hlaupum á 7,85 og 25,20 sekúndum. Sveinbjörg Zophoníasdóttir úr FH sigraði í langstökki með stökki upp á 5,62 metra og Hanna Þráinsdóttir úr ÍR í hástökki með 1,63 metra.

 

Mótið var í senn lokamót ársins, en um leið fyrsta mót innanhússtímabilsins, en mót verða um því næst hverja helgi í janúar og febrúar. Öll úrslitin má sjá hér.

http://mot.fri.is/cgi-bin/ibmot/timesedillib2187.htm