Arenas segist skeina sér með peningaseðlum

Körfuboltastjarnan Gilbert Arenas tók klósetthúmor upp í nýjar hæðir er hann birti mynd af þykku seðlabúnti þar sem klósettrúllan á að vera.

"Peningar breyta ekki fólki. Skortur á peningum gerir það. Ég hef aldrei séð einhvern ríkan ræna banka. Á meðan þú hatar mitt líf þá er ég að skeina mér á þessu haha," skrifaði Arenas með myndinni sem hann birti á Instagram.

Það er rétt hjá Arenas að margir öfunda hann. Leikmaðurinn spilaði ekki einn leik á síðasta ári en var samt með 2,4 milljarða íslenskra króna í laun.

Hann er þriðji launahæsti leikmaður NBA-deildarinnar eftir að hafa gert risasamning við Washington árið 2008. Þann samning þarf að greiða þó svo leikmaðurinn sé ekkert að spila.