Nadezhda Tolokonnikova, ein meðlima rússnesku kvennapönksveitarinnar Pussy Riot, verður færð í annað fangelsi. Rússnesk fangelsismálayfirvöld lýstu þessu yfir á dögunum. Tolokonnikova hefur farið fram á flutninga lengi og féllust yfirvöld á beiðnina vegna hættu á öryggi um heilsu stúlkunnar, sem er einungis 23 ára gömul.
Ástæðan fyrir óttanum um heilsu og öryggi stúlkunnar, er níu daga hungurverkfall, sem hún hefur stundað til að mótmæla slæmum aðstæðum og harðræði í fangelsinu.
Tolokonnikova var handtekin á síðasta ári ásamt tveimur öðrum konum í hljómsveitinni, eftir uppákomu í dómkirkjunni í Moskvu, þar sem hljómsveitin efndi til mótmæla gegn rússneskum stjórnvöldum. Þær hlutu tveggja ára fangelsisdóma.
KA
ÍA
