Rústaði næstum því lífinu með dópneyslu

Leikarinn og hjartaknúsarinn Brad Pitt er í afar persónulegu viðtali við nýjasta hefti tímaritsins Esquire. Þar fer hann yfir líf sitt og segist meðal annars hafa næstum því rústað því með fíkniefnaneyslu.

“Lengi vel hélt ég að ég hefði ollið of miklum skaða – fíkniefnaskaða. Ég eyddi mörgum árum í ekki neitt. En síðan brann ég út og fannst ég vera að sóa tækifærum,” segir Brad sem segist hafa fengið uppljómun fyrir áratugi síðan, þegar hann var enn kvæntur leikkonunni Jennifer Aniston.

“Ég tók ákvörðun að sóa ekki tækifærum,” segir Brad og næsta hlutverk sem hann tók að sér var í Mr. & Mrs. Smith árið 2005 þar sem hann lék á móti Angelinu Jolie. Sama ár skildi hann við Jennifer og byrjaði með Angelinu. Átta árum og sex börnum seinna eru þau enn jafn ástfangin.

“Ég hugsaði alltaf að ég vildi stóra fjölskyldu ef ég ætlaði að eignast fjölskyldu á annað borð. Ég vil hafa ringulreið á heimilinu. Það eru alltaf læti heima hjá okkur. Ég elska það. Ég elska það. Ég elska það. Ég hata þegar enginn er heima. Ég hef aldrei verið hamingjusamari.”

Dragðu Tarotspil dagsins hér.