Puttinn pirraði Noah

Ein vinsælasta myndin á internetinu í dag er mynd af sturlaðri konu í Miami sem er með miðfingurinn beint fyrir framan andlit Joakim Noah, leikmanns Chicago Bulls.

Þá var nýbúið að vísa Noah af velli í öðrum leik Bulls og Miami Heat í úrslitakeppni NBA-deildarinnar.

Noah vildi lítið ræða um þetta atvik eftir æfingu í gær en var samt greinilega pirraður.

"Finnst ykkur skemmtilegt þegar einhver setur puttann í andlitið á ykkur?" spurði Noah blaðamenn og hefur oft verið hressari.

"Þetta er samt í fínu lagi og hluti af öllum pakkanum."