Grunur um að gifting sé framundan

Undirbúningur fyrir stór veisluhöld stendur nú yfir á franska heimili Brad Pitt og Angelinu Jolie. Sagan segir að parið hyggst ganga í heilagt hjónaband þessa helgi. Nánustu vinir og foreldrar Brad eru nú þegar mættir til Frakklands. Þá er skartgripahönnuðurinn Robert Procop sem bjó til demants- og platínutrúlofunarhringinn hennar Angelinu mættur á svæðið. Það sem ýtir enn frekar undir grun slúðurpressunnar að brúðkaup sé í vændum er allt umstangið í kringum eign þeirra í Frakklandi þar sem fjöldi manns kemur við sögu. Angelina og Brad trúlofuðu sig í apríl á þessu ári eftir sjö ára sambúð og sex börn. Brad flaug til Frakklands á undan fjölskyldunni fyrr í vikunni til að undirbúa veisluna en öll fjölskyldan er nú þar samankomin. Vinur þeirra, George Clooney, er á gestalistanum en hverjir aðrir ekki vitað.