Syrgja Norman saman

Tímarit hið vestra greindu nýverið frá því að hundur leikkonunnar Jennifer Aniston væri dauður. Hundurinn Norman var orðinn fjörgamall og saknar leikkonan hans sárt.

Fyrrverandi eiginmaður hennar, Brad Pitt, mun einnig vera í sárum vegna þessa.

"Brad hringdi í Jennifer um leið og hann heyrði fréttirnar og vottaði henni samúð sína. Þó að Norman hafi verið hundurinn hennar Jennifer þótti Brad afskaplega vænt um hann. Eftir að hafa rætt saman í svolitla stund fóru þau óafvítandi að tala um gömlu dagana,“ var haft eftir heimildarmanni. "Þau töluðu meira að segja um foreldra Brads og hann sagði Jennifer að móðir hans saknaði hennar mikið.“

In Touch Weekly segir jafnframt að Angelina Jolie, sambýliskona Pitts, sé ekki ánægð með að hjónin fyrrverandi séu í sambandi.