Ingi Þór: Höfum æft vel og erum klárir í fyrsta leik

"Við erum bara nokkuð vel stemmdir og undirbúningstímabilið er búið að vera gríðarlega langt,“ sagði Ingi Þór Steinþórsson, þjálfari Snæfells, í samtali við Vísi.

„Okkur hlakkar mikið til að byrja mótið og höfum undirbúið okkur vel að undanförnu".

„Við fengum nýju leikmennina til æfinga í byrjun september og höfum æft saman síðan þá, en við erum samt ekki komnir í okkar besta form".

Snæfell mætir Haukum á Ásvöllum í kvöld í fyrsta leik tímabilsins, en þessi lið mættust einmitt í 8-liða úrslitum á síðasta ári þar sem Snæfellingar höfðu betur í oddaleik.

„Haukar eru með flotta leikmenn og fínan þjálfara, þetta verður góð skák".