Gunnar Steinn með stórleik er Drott tryggði sér oddaleik

Gunnar Steinn Jónsson átti stórleik er Drott náði að tryggja sér oddaleik gegn Ystad í undanúrslitum sænsku úrslitakeppninnar í handbolta.

Drott vann fjórða leik liðanna í undanúrslitunum á heimavelli sínum í gærkvöldi, 26-25. Staðan í hálfleik var 13-11, Drott í vil.

Gunnar Steinn var markahæstur í leiknum í gær með tíu mörk, þar af sex úr vítum.

Á sunnudag ræðst það svo hvort liðið mætir Sävehof í úrslitaleiknum um sænska meistaratitilinn í Malmö þann 8. maí næstkomandi.