Ekki jafn margir horft síðan Michael Jordan vann sinn síðasta titil

Leikur sjö á milli Los Angeles Lakers og Boston Celtics fékk nánast met áhorf í Bandaríkjunum. Lakers vann leikinn með fjórum stigum og tryggði sér NBA-meistaratitilinn. 18,2% horfðu á leikinn sem er hæsta áhorf síðan Michael Jordan vann sinn sjötta meistaratitil með Chicago Bulls árið 1998. 22,9% horfðu þá á Bulls vinna Utah Jazz. Tölurnar segja til um prósentu þeirra sem voru að horfa á sjónvarpið á þeim tíma sem leikurinn var og er gríðarleg ánægja innan NBA-deildarinnar með aukið áhorf.