Beinar útsendingar á NBA TV næstu daga

Leikur Utah Jazz og Portland Trailblazers verður sýndur beint á NBA TV sjónvarpsstöðinni klukkan tvö í nótt.

Utah hefur unnið þrjá fyrstu leiki sína á tímabilinu án leikstjórnandans Deron Williams, en Portland hefur aðeins unnið einn af fyrstu þremur leikjum sínum án miðherjans Greg Oden. Báðir eiga við meiðsli að stríða.

Rétt er að vekja athygli NBA áhugafólks á því að dagskráin á NBA TV sjónvarpsrásinni á Digital Ísland er komin inn á körfuboltasíðuna hér á Vísi. Hana er að finna á hægri spássíu undir stöðutöflunum í Iceland Express deildunum.

Engin bein útsending er á stöðinni annað kvöld en á föstudagskvöldið er stórleikur á dagskrá þar sem Denver tekur á móti Dallas. Ef svo fer sem horfir gæti þar verið á ferðinni fyrsti leikur Chauncey Billups með Denver eftir að hann kom til liðsins í skiptum fyrir Allen Iverson.

Hér fyrir neðan má sjá beinar útsendingar á NBA TV komandi nætur:

05.11.2008 02:00 Utah-Portland

07.11.2008 03:30 Denver-Dallas

08.11.2008 00:00 Indiana-New Jersey

08.11.2008 03:00 Portland-Minnesota

09.11.2008 18:00 Charlotte-Toronto

10.11.2008 00:00 Orlando-Portland

11.11.2008 00:00 Cleveland-Milwaukee

12.11.2008 00:30 Boston-Atlanta

13.11.2008 02:30 Chicago-Dallas

14.11.2008 01:00 New Orleans-Portland

15.11.2008 20:30 L.A. Clippers-Golden State

15.11.2008 01:30 Milwaukee-Boston

16.11.2008 01:00 Denver-Minnesota

17.11.2008 03:30 L.A. Clippers-San Antonio