Dallas - New Orleans í beinni á Sýn í kvöld

Leikur Dallas Mavericks og New Orleans Hornets í NBA deildinni verður sýndur beint á sjónvarpsstöðinni Sýn laust eftir klukkan eitt í nótt. Hér er um að ræða einvígi tveggja af sterkustu liðunum í Vesturdeildinni.

New Orleans vann fyrstu viðureign liðanna í deildarkeppninni í vetur, en þá hafði liðið ekki haft sigur gegn Dallas síðan Suðvesturriðillinn var settur á laggirnar fyrir þremur árum.

Liðin tvö eru með mjög áþekkan árangur í deildarkeppninni það sem af er þar sem New Orleans hefur unnið 14 leiki en tapað 8 og Dallas hefur unnið 14 en tapað 9.