Bylting í grafískum reiknum

Texas Instruments er heiti reiknivéla sem þykja einkar góðar við útreikninga í verkfræði- og tæknigreinum. Íslenska umboðið heitir Tangens og þar varð Gunnþór Jónsson fyrir svörum.

„Það vill svo til að við vorum að fá glænýja vél TI-N'Spire sem er í raun bylting í grafískum reiknivélum," segir Akureyringurinn Gunnþór þegar hringt er í hann og bendir lesendum á vefsíðuna tiinspire.com sem sýnir myndrænt það sem vélarnar geta gert.

„Búnaðurinn verður æ fullkomnari og nýju vélarnar eru bæði með meira vinnslu- minni og geymsluminni en þær eldri. Þannig er hægt geyma útreikninga á þeim eins og á tölvu," segir Gunnþór og heldur áfram: „Stýrikerfið stefnir í átt að Windows-stýrikerfinu og það er kominn hnappur í miðjuna sem er hægt að nota sem mús."

Gunnþór segir Texas Instru- ments bandarískt merki sem þekkt sé um allan heim, nema þá helst hér á landi. „Félagi minn Sigurður Markússon var að læra verkfræði í Tækniskólanum á sínum tíma og þar var honum bent á að kaupa sér svona vél af gerðinni T89. Hann fann hana hvergi og komst þá að því að umboðið hér á landi var að hætta. Við tókum því við henni árið 2003 og höfum verið að byggja upp fyrirtækið okkar síðan með vinnu og skóla.

Það er með vefsíðuna www.reiknivélar.is, Þeir félagar í Tangens hafa haldið námskeið í notkun T89 vélanna sem hingað til hafa selst mest og nú eru námskeið í TIN' Spire fram undan.

„Það borgar sig að læra strax á vélarnar. Þetta eru dýr tæki og þau geta auðveldað námið svo mikið ef fólk kann á þær. Við erum líka með íslenskar leiðbeiningar við þær því við viljum hafa stuðninginn við nemendur góðan."

Að sögn Gunnþórs fást Texas Instruments í Odda skrifstofuvörum, Bóksölu Tækniskólans og HR, nemendasjoppu HÍ og Bóksölu stúdenta.