Gengi hlutabréfa í bandarísku verslanakeðjunni Wal-Mart, sem er ein sú stærsta sinnar tegundar í heiminum, lækkaði um rúmt prósent á markaði vestanhafs í dag eftir að bandaríski fjárfestingabankinn Goldman Sachs lækkaði mat sitt á verslanakeðjunni.
Goldman Sachs mælir með því við hluthafa að þeir haldi í bréf sín í verslanakeðjunni en hafði áður mælt með kaupum í Wal-Mart. Þá lækkaði bankinn markgengið úr 53 dölum á hlut í 51 dal.
