Fyrsta hrefnan veidd eftir að veiðar í atvinnuskyni voru heimilaðar

Skipverjar á bátnum Halldóri Sigurðurssyni veiddu í dag fyrstu hrefnuna frá því veiðar mí atvinnuskyni voru heimilaðar fyrir tveimur vikum. Að sögn Konráðs Eggertssonar skipstjóra veidist hrefnan á Ísafjarðardjúpi um klukkan hálftólf og verður komið með kjötið af henni til Ísafjarðar síðar í dag, en fyrst þarf að taka sýni úr hrefnunni og sinna ýmsum rannsóknarstörfum eins og Konráð orðar það.

Að sögn Konráðs er mikil gleði meðal skipverja með fenginn og hann segir að reiknað sé með að kjötið verði selt til Japans. Konráð segir enn fremur að skipverjar hafi séð fjölmargar hrefnur í túrnum. Nú þegar hafa fimm langreyðar verið veiddar af þeim níu sem sjávarútvegsráðherra gaf leyfi fyrir en hins vegar voru leyfðar veiðar á 30 hrefnum í atvinnuskyni.