England fer áfram

Steve McClaren segir að enska landsliðið muni án efa komast á EM 2008 þrátt fyrir að liðið hafi tapað 2-0 fyrir Króötum í kvöld og hafi nú aðeins náð í eitt stig og ekki skorað mark í síðustu tveimur leikjum sínum.

"Það er enn nóg af stigum í pottinum, þó vissulega séum við gríðarlega vonsviknir að tapa svona í kvöld. Nú höfum við valdið vonbrigðum í tveimur leikjum í röð. Við verðum umfram allt að vinna heimaleikina okkar og reyna svo að stela stigum á útivöllum, en það tókst okkur ekki í kvöld.

Ég hef samt engar áhyggjur, það er enn langt í land í riðlakeppninni og við munum án efa reyna að ná okkur niður á Króötum þegar við mætum þeim á heimavelli í lokaumferðinni," sagði landsliðsþjálfarinn.