Og vodafone eflir GSM þjónustu á svæðinu

Og Vodafone hefur eflt GSM þjónustu sína í Dalvík fyrir fjölskylduhátíðina Fiskidaginn mikla sem fer fram um næstu helgi. Markmiðið er að tryggja hnökralaus samskipti hjá GSM notendum þar sem gera má ráð fyrir fjölda gesta á svæðinu yfir helgina. Um 30 þúsund manns lögðu leið sína á hátíðina í fyrra.

Og Vodafone hefur lagt mikla áherslu á bætt GSM samband á höfuðborgarsvæðinu á liðnum mánuðum, bæði í nýjum og eldri hverfum borgarinnar. Þá hefur fyrirtækið aukið þjónustu sína í kringum stórviðburði, svo sem tónleika og útihátíðir.