Nærri 4,8 milljarða tap á 2. ársfjórðungi hjá Avion

Nærri 4,8 milljarða króna tap varð af rekstri Avion Group á öðrum ársfjórðungi fyrirtækisins, sem miðast við 1. febrúar til 30. apríl. Fram kemur í tilkynningu til Kauphallarinnar að tapið megi að miklu leyti rekja til gengistaps af erlendum skuldum. Þá kemur fram í tilkynningunni að félagið eigi í viðræðum við þriðja aðila vegna sölu á meirihluta hlutafjár í Avion Aircraft Trading. Verði að sölunni komi hún til með að hafa mikil jákvæð áhrif á afkomu Avion Group á yfirstandandi rekstrarári sem ljúki 31. október.