Actavis flytur hluta framleiðslu til Króatíu verði Pliva keypt

Lyfjafyrirtækið Actavis fyrirhugar að flytja hluta framleiðslu sinnar til Króatíu þar sem framleiðsukostnaður er lágur, ef því tekst að kaupa króatíska lyfjafyrirtækið Pliva.

Stjórn Pliva mælti á mánudag með því við hluthafa að ganga til samninga við bandaríkst fyrirtæki um sölu á Pliva í stað Actavis, en Actavis brást við því með því að auka hlut sinn í Pliva upp í rúmlega 20% í gær, og hækka enn tilboð sitt upp í 170 milljarða króna.

Ekki kemur fram í tilkynningu frá Actavis hvort það sé framleiðslan á Íslandi, sem til standi að flytja til Króatíu.