Shearer er rétti maðurinn fyrir Newcastle

Gamla kempan Chris Waddle vill meina að Alan Shearer sé einmitt maðurinn til að koma á jafnvægi í herbúðum Newcastle eftir að Graeme Souness var rekinn í dag, en Shearer hefur verið skipaður aðstoðarmaður Glenn Roader sem mun taka við liðinu tímabundið.

"Alan hefur spilað mjög lengi og þekkir leikinn inn og út. Það er auðvitað annað að vera knattspyrnustjóri en leikmaður, en þetta yrði ekki í fyrsta skipti sem leikmaður færi beint í þjálfun. Þetta snýst allt um leikmennina, ef þú nýtur virðingar þeirra - ertu í fínum málum," sagði Waddle og hefur mikla trú á að Shearer muni spjara sig í framtíðinni.