Parker sló persónulegt met

38 stig frá Kobe Bryant dugðu ekki fyrir Los Angles Lakers sem töpuðu fyrir Phoenix Suns í NBA körfuboltanum í nótt, 106-93. Þetta var sjötti tapleikur Lakers í röð fyrir Phoenix.

Tony Parker settti persónulegt stigamet þegar hann skoraði 38 stig fyrir San Antonio Spurs sem unnu 101-94 sigur á Miami Heat. Enginn samherja Parker komst með tærnar þar sem hann hafði hælana í nótt en næst stigahæstur Spurs var Tim Duncan sem skoraði 14 stig.

Gilbert Arenas leikmaður Washington hefur verið í frábæru formi undanfarið, og hann var sjóðandi heitur í leiknum í nótt, hann skoraði 33 stig en hann hefur skorað 30 stig eða meira fyrir Washington í 19 leikjum af 38. Caron Butler bætti 24 stigum við. Chris Paul nýliðinn magnaði í liði New Orleans náði tvöfaldri tvennu var með 28 stig og var með 11 stoðsendingar.

Nýliðinn fékk ekki mikla hjálp frá liðsfélögum sínum og fjögurra leikja sigurgöngu New Orleans lauk í nótt, því Washington sigraði 110 - 99.  Washington hefur núna unnið 18 leiki en tapað 20. Þeir voru með 23 leiki unna og 15 tapaða á sama tíma í fyrra en þá komust þeir í úrslita keppnina í fyrsta sinn í 8 ár. 

Úrslit næturinnar í NBA urðu eftirfarandi;

Memphis 86

Philadelphia 89

New Orl/OKC 99

Washington 110

Milwaukee 118

Atlanta 102

Orlando 104

Charlotte 93

New Jersey 96

Boston 99

Indiana 85

Minnesota 90

San Antonio 101

Miami 94

Houston 109

Chicago 108

Utah 83

Denver 113

LA Lakers 93

Phoenix 106

Toronto 121

Seattle 113

Cleveland 79

Golden State 99