Guðjón vonsvikinn, en refsar leikmönnum ekki

Notts County tapaði á heimavelli fyrir Cheltenham í ensku 3. deildinni um helgina, en þó Guðjón Þórðarson hefði verið mjög vonsvikinn með tapið, ætlar hann ekki að refsa leikmönnum sínum með aukaæfingum eins og hann hefur oft gert þegar hann er ósáttur við frammistöðu þeirra.

"Ég er mjög vonsvikinn með tapið, því ég hélt að liðið væri að komast á beinu brautina," sagði Guðjón. "Við viljum umfram allt sleppa við að lenda á slæmum kafla eins og í október og mér þótti vel vera hægt að koma í veg fyrir þessi mörk sem við fengum á okkur, svo að við verðum að setjast niður og ræða málin," sagði Guðjón. Notts County situr í 15. sæti deildarinnar.