Viðurkennir áhuga á að fjárfesta í Liverpool

Bandaríski milljarðamæringurinn Robert Kraft hefur viðurkennt áhuga sinn á að fjárfesta í Liverpool eftir að hafa átt fund með Rick Parry, yfirmanni enska félagsins. Kraft þessi og fjölskylda hans eru eigandi New England Patriots í ameríska fótboltanum.

"Liverpool er stórt félag og fjölskylda mín virðir það. Við erum alltaf að leita að tækifærum til að stækka við okkur og fjárfesta, svo hver veit hvað gerist í framhaldinu," sagði Kraft í samtali við BBC.

Forsvarsmenn Liverpool hafa viðurkennt að viðræður hafi átt sér stað, en undirstrika að ekki hafi borist tilboð í félagið.