Góð tíðindi fyrir Manchester City

Stuart Pearce, knattspyrnustjóri Manchester City hefur staðfest að þeir Robbie Fowler og Sylvain Distin verði klárir í grannaslag Manchester City og Manchester United um helgina, en þeir hafa báðir átt við meiðsli að stríða undanfarið. City hefur ekki tapað í þrettán leikjum í röð og er á höttunum eftir fyrsta sigri sínum á Old Trafford í tæp þrjátíu ár. Þrátt fyrir að þeir Distin og Fowler hafi báðir náð að leika vandræðalaust í 90 mínútur með varaliði City, er ekki búist við að þeir verði í byrjunarliðinu um helgina.