„Góð til­finning að skora sigur­markið á móti gamla þjálfaranum“

Óskar Smári Haraldsson þjálfaði Fram á síðasta tímabili en tók við Stjörnunni fyrir þetta tímabil.

„Það er ótrúlega góð tilfinning að skora sigurmarkið og sérstaklega á móti gamla þjálfaranum eftir að hafa lent 2-0 undir,“ sagði Sara Svanhildur Jóhannsdóttir sem tryggði Fram sigurinn með marki á 90. mínútu.

Stjarnan byrjaði leikinn af krafti og var með yfirhöndina fyrstu tuttugu mínútur leiksins. Fram hrökk þá í gang og minnkaði Alda Ólafsdóttir muninn á 23. mínútu fyrri hálfleiks.

„Anton lét okkur heyra það í hálfleik og ég held að það hafi hjálpað. Við byrjuðum leikinn ekki nógu vel. Við ætluðum að ná í þessi sex stig sem voru eftir, nú erum við komin með þrjú og við ætlum að ná í hin þrjú líka.“

Höfðu þið fulla trú á því að þið gætuð sótt þrjú stig í þessum leik?

„Þetta er ekki í fyrsta sinn sem við gerum þetta, komum til baka. Við gerðum þetta fyrr í sumar líka og við höfum alltaf trú á að við getum þetta.“