Breytingar á U21 liðinu
Tvær breytingar hafa verið gerðar á U21 hópnum sem mætir Króatíu á KR-vellinum í undankeppni EM á föstudag. Bjarni Þórður Halldórsson, markvörður, og Viktor Bjarki Arnarsson, báðir leikmenn Fylkis, geta ekki tekið þátt í leiknum. Í þeirra stað hefur Eyjólfur Sverrisson, þjálfari liðsins, valið þá Magnús Þormar, markvörð úr Keflavík, og Eyjólf Héðinsson úr Fylki.
