„Ég miða alltaf í fjærhornið svo ég fann það strax“

„Þetta var erfiður leikur fyrir okkur en okkur tókst að hafa betur“ sagði Alpha Conteh en hann skoraði sigurmark Keflavíkur í kvöld.

„Þetta var mjög mikilvægur leikur fyrir okkur og ég er mjög ánægður með að við höfum tekið öll stigin þrjú“

Alpha Conteh var ánægður með liðið sitt og finnst Keflavík spila skemmtilegan og góðan fótbolta.

„Þetta er mjög gott lið og spilar mjög skemmtilegan fótbolta. Mér finnst við sýna það líka gegn flestum liðum að við erum með hörku lið“

Alpha Conteh skoraði sigurmarkið í dag og var það frábært mark. Hann trúði því allan tímann að sigurmarkið gæti komið.

„Ég trúði því allan tímann. Ég átti nokkur góð skot í leiknum og ég fann það að ég þyrfti að reyna aftur og undir lokin þá fór hann inn“

Hann fann það um leið og hann sparkaði í boltann að boltinn væri á leið í fjærhornið.

„Já ég fann það. Ég miða alltaf í fjærhornið svo ég fann það strax að hann væri að fara enda þar“

Þetta reyndist sigurmark leiksins en það kom á 90. Mínútu og átti Alpha Conteh erfitt með að koma því í orð hvernig tilfinningin var að horfa á eftir boltanum í netið.

„Þetta var frábær tilfinning. Ég get ekki einu sinni komið því í orð en að skora sigurmark á 90. mínútu fyrir liðið þitt í svona mikilvægum leik er stórkostleg tilfinning“

Þessi sigur gefur Keflavík heilmikið fyrir framhaldið.

„Mér finnst eins og þessi sigur gefur okkur mikið. Við fáum von og byggjum upp sjálfstraust fyrir komandi leiki. Þetta gefur okkur mikið andlega fyrir komandi verkefni og trú á því að við getum unnið næstu leiki“ sagði Alpha Conteh.