Vieira á förum til Juventus

Arsenal hefur staðfest að félagið hefur tekið tilboði frá ítalska stórliðinu Juventus í fyrirliða sinn Patrick Vieira. Tilboðið hljóðar upp á 13,75 milljónir punda í þennan 29 ára miðjumann. "Ég er mjög hryggur yfir því að Vieira sé á förum frá okkur. Ég veit að stuðningsmennirnir eru það líka. Vieira hefur haft mjög mikil og jákvæð áhrif, ekki bara á Arsernal heldur enska boltann í heild sinni." sagði Wenger. Vieira segir að það hafi verið ansi erfitt að taka þessa ákvörðun. "Mér fannst ég þurfa nýja áskorun. Ég vil nota tækifærið og þakka stuðningsmönnum Arsenal, þeir hafa verið frábærir." sagði Vieira en hann var næstum genginn til liðs við spænska liðið Real Madrid í fyrra.