Trapattoni fékk heimþrá og fór

Fyrrverandi landsliðsþjálfari Ítala, Giovanni Trapattoni fékk svo mikla heimþrá að hann er hættur sem knattspyrnustjóri portúgalska liðsins Benfica. Engu skipti þó Trappatoni leiddi liðið til sigurs í portúgölsku efstu deildinni sem er fyrsti landstitill félagsins í 11 ár, 66 ára gamall maðurinn kvaðst vilja vera hjá fjölskyldu sinni og þjálfa heima á Ítalíu, en þar er hann sterklega orðaður við Lazio. Trapattoni gerði 2 ára samning við Benfica en lauk aðeins einu tímabili hjá félaginu.