Myndaveggir

Minningarnar eru dýrmætar og það er nauðsynlegt að vera alltaf með myndavélina við höndina við sérstök tækifæri. Það er fátt sem prýðir heimili betur en myndir af liðnum atburðum sem ylja um hjartaræturnar. Uppsetning heimilismynda getur verið margvísleg en fólk skal varast að flýta sér um of heldur vanda valið við staðsetningu myndanna og útlit rammanna áður en hafist er handa við myndavegginn eða hilluna. Það getur líka verið skemmtilegt að blanda saman ljósmyndum og til dæmis teikningum eftir börnin eða litlum listaverkum sem gera yfirbragð veggsins enn litríkara.