Valur komið í 2-0 en Hamarsmenn jöfnuðu

Úrslitakeppni 1. deildar karla í körfubolta hélt áfram í kvöld en þá fór fram önnur umferð undanúrslitanna. Valsmönnum vantar bara einn sigur í viðbót en það er allt jafn hjá Fjölni og Hamri.

Valsmenn fögnuðu 90-85 sigri á Blikum í Smáranum í Kópavogi og eru því komnir í 2-0 í einvíginu. Valsliðinu vantar því bara einn sigur til að komast í úrslitaeinvígið um laust sæti í Domino´s deild karla.

Valur var komið átta stigum yfir eftir fyrsta leikhlutann, 24-16, og var síðan 21 stigi yfir í hálfleik, 54-33. Blikar komi sér inn í leikinn með frábærum fjórða leikhluta sem þeir unnu 31-12 en það var bara of seint.

Austin Magnus Bracey skoraði 27 stig fyrir Valsliðið í kvöld, Urald King var með 26 stig, 13 fráköst, 5 stoðsendingar og 4 varin skot og þá skoraði Sigurður Dagur Sturluson 21 stig fyrir Vaalsmenn.

Bræðurnir Egill Vignisson (18 stig) og Snorri Vignisson (17 stig) voru stighæstir hjá Blikum en Bandaríkjamaðurinn Tyrone Wayne Garland var með 17 stig, 7 fráköst, 9 stoðsendingar og 5 stolna bolta.

Hamarsmönnum tókst hinsvegar að jafna metin í einvígi sínu á móti Fjölni með því að vinna framlengdan leik liðanna í Hveragerði í kvöld. Hamar vann leikinn 114-110 eftir að staðan var 93-93 eftir venjulegan leiktíma.

Christopher Woods var með 29 stig, 17 fráköst og 7 stoðsendingar fyrir Hamar og Erlendur Ágúst Stefánsson skoraði 28 stig. Hinn ungi Hilmar Pétursson skoraði 17 stig og komu mörg þeirra í framlengingunni. Róbert Sigurðsson var með 20 stig og 12 fráköst hjá Fjölni.



1. deild karla, Úrslitakeppni



Breiðablik-Valur 85-90 (16-24, 17-30, 21-24, 31-12)

Breiðablik: Egill Vignisson 18/8 fráköst, Snorri Vignisson 17, Tyrone Wayne Garland 17/7 fráköst/9 stoðsendingar/5 stolnir, Ragnar Jósef Ragnarsson 12, Leifur Steinn Arnason 9/4 fráköst, Kjartan Atli Kjartansson 6/4 fráköst, Sveinbjörn Jóhannesson 3, Atli Örn Gunnarsson 2, Birkir Víðisson 1/5 stoðsendingar.

Valur: Austin Magnus Bracey 27/5 stoðsendingar, Urald King 26/13 fráköst/5 stoðsendingar/4 varin skot, Sigurður Dagur Sturluson 21/4 fráköst, Oddur Birnir Pétursson 6/4 fráköst/5 stoðsendingar, Illugi Auðunsson 4/7 fráköst, Birgir Björn Pétursson 3/5 fráköst, Sigurður Páll Stefánsson 3.



Hamar-Fjölnir 114-110 (17-18, 22-24, 30-20, 24-31, 21-17)

Hamar : Christopher Woods 29/17 fráköst/7 stoðsendingar, Erlendur Ágúst Stefánsson 28/4 fráköst, Hilmar Pétursson 17/5 fráköst, Örn Sigurðarson 15/4 fráköst, Rúnar Ingi Erlingsson 9/4 fráköst, Smári Hrafnsson 6, Oddur Ólafsson 5/7 stoðsendingar, Snorri Þorvaldsson 5.

Fjölnir: Róbert Sigurðsson 20/8 fráköst/12 stoðsendingar, Egill Egilsson 18, Marques Oliver 18/14 fráköst/6 stoðsendingar, Collin Anthony Pryor 17/5 fráköst, Hreiðar Bjarki Vilhjálmsson 11, Elvar Sigurðsson 9, Bergþór Ægir Ríkharðsson 9/6 fráköst, Garðar Sveinbjörnsson 5, Sindri Már Kárason 2, Alexander Þór Hafþórsson 1.