Lífið
Ham á Nasa
Þann 29. júní verða hörkutónleikar á Nasa í Reykjavík. Þar stígur á svið ein af merkilegri hljómsveitum íslenskrar tónlistarsöguHam, ásamt mjög svo sérstökum gestum, drengjunum úr 9/11’s.
Í spegli Íslands
Miðvikudaginn 28. júní kl. 12 á hádegi heldur Sumarliði R. Ísleifsson sagnfræðingur erindi í bókasal Þjóðmenningarhússins í tilefni af opnun sýningar þar um skrif erlendra manna um Ísland og Íslendinga fyrr á öldum.
Aparnir í Eden
Hin margrómaða Köntrísveit Baggalúts hefur lokið upptökum á sinni annarri hljómskífu sem ber titilinn Aparnir í Eden. Lokaupptökur fóru fram í félagsheimilinu að Flúðum í síðustu viku.
Gull á Ítalíu
Útskriftarárgangur Listdansskóla Íslands vann í gærkveldi 1. verðlaun á Alþjóðlegri Samtímadanskeppni (Contemporary dans). " Dans Grand Prix Europe 2006" sem haldin var í borginni Cesena á Ítalíu síðustu daga.
Bætist við á Iceland Airwaves 2006
Iceland Airwaves 2006 fer fram í miðborg Reykjavíkur daganna 18.-22. október. Alls munu um 130 listamenn og hljómsveitir munu koma fram á hátíðinni - þar af yfir 100 innlendir.
Nýtt lag með Ragnheiði Gröndal
Ragnheiður Gröndal hefur sent frá sér nýtt lag en næstu daga er hægt að sækja lagið endurgjaldslaust á tónlist.is í boði Landsbankans.
Diskó og Pönk í Árbæjarsafni
Sunnudaginn 25. júní býðst gestum Árbæjarsafns að upplifa diskó- og pönkstemningu. Á sýningunni "Diskó & Pönk - ólíkir straumar?" geta gestir safnsins virt fyrir sér ýmsa muni frá árunum 1975 - 1985 og fengið tilfinningu fyrir tíðarandanum.
Þúsundasti viðskiptavinur SKO
Rúmlega eitt þúsund manns hafa skráð sig í farsímaþjónustu lággjaldasímafélagsins SKO. Þúsundasti viðskiptavinur fyrirtækisins, Bára Hólmgeirsdóttir, var heiðruð sérstaklega af því tilefni og fékk hún 10 þúsund króna inneign og blómvönd frá fyrirtækinu.
Miðnætur- og Ólympíufjölskylduhlaup á Jónsmessu
Miðnætur- og Ólympíufjölskylduhlaup á Jónsmessu er haldið í dag föstudaginn 23.júní kl 22:00 en hlaupið verður frá Laugardalslaug. Mun Vilhjálmur Þ. Vilhjálmsson borgarstjóri ræsa hlaupið sem hefst og lýkur við Sundlaugarnar í Laugardal.
Mezzoforte á Akureyri í kvöld
Loksins fá Akureyringar og nærsveitungar tækifæri til að hlýða á hina eitursnjöllu hljómsveit Mezzoforte en sveitin mun leika á einum tónleikum á Græna Hattinum þann í kvöld kl. 21
Dansinn dunar á Kringlukránni
Danshljómsveitin Klassík sér um að halda uppi dansstuði á Kringlukránni um helgina. Hljómsveitin hefur nú starfað í tæp tvö ár og sérhæfir sig í að spila danslög fyrir fólk sem vill dansa og skemmta sér. Á efnisskránni eru einkum lög sem verið hafa vinsæl hér á landi, lög sem kalla fram minningar, allir kunna og geta sungið með.
Alþjóðleg sýn
Myndlistarsýningin Alþjóðleg sýn/ International View 2006 verður opnuð laugardaginn 1.júlí kl. 15. í Listasal Mosfellinga og alþjóðleg vinnusmiðja/ International Workwhop 2006 verður opnuð föstudaginn 7.júlí kl. 20. Þrúðvangi, Álafossvegi 20, Mosfellsbæ.
Jónsmessuganga á Þorbjörn
Laugardagskvöldið 24. júní munu Bláa Lónið og Grindavíkurbær í samstarfi við Leiðsögumenn Reykjaness bjóða upp á hina árlegu Jónsmessugöngu á fjallið Þorbjörn. Gangan hefur notið mikilla vinsælda undanfarin ár en hér er um að ræða skemmtilega afþreyingu fyrir alla fjölskylduna.
TAKA 2006
Mikil spenna ríkti á stuttmyndahátíð grunnskólanema Taka 2006 í Réttarholtsskóla í gær, en þar kepptu 40 myndir til verðlauna. Fyrstu verðlaun er hið eftirsótta klapptré með árituðu heiti myndar og vinningshafa.
Skógardagur á Héraði
Laugardaginn 24. júní næstkomandi, verður blásið til einstakrar skógarhátíðar í stærsta og þekktasta skógi landsins, Hallormsstaðaskógi en í ár eru liðin 36 ár síðan blómleg bændaskógrækt hófst á Héraði.
Katrín Óskarsdóttir sýnir á Hvolsvelli
Karín Óskarsdóttir lauk námi í Grafískri hönnun frá Myndlista-og handíðaskólanum árið 1974 og hefur haldið nokkrar einkasýningar á undanförnum árum. Katrín vann um skeið á auglýsingastofu og var síðar sjálfstætt starfandi við skiltagerð, uppsetningu sýningarbása og við gluggaskreytingar.
Innipúkinn á Nasa
Innipúkinn verður haldinn 4. 5. og 6. ágúst á Nasa, en þetta er fimmta árið sem hátíðin fer fram um verslunarmannahelgina í Reykjavík. Tilgangur hátíðarinnar verður í ár sem áður að bjóða upp á góða tónlist í Reykjavík á sama tíma og vertíð útihátíða á Íslandi gengur í garð.
2500 miðar í boði á tónleika Nick Cave
Miðasala fyrir tónleika Nick Cave, sem fram fara í Laugardalshöll 16. september, hefst Fimmtudaginn 29. júní í verslunum Skífunnar, BT Akureyri, Egilstöðum og Selfossi og á www.midi.is. Um er að ræða sitjandi tónleika og verða aðeins seldir miðar í númeruð sæti.
Ljósalagið 2006
Hafin er leitin að lagi og texta til að taka þátt í sönglagakeppninni Ljósalagið, sem haldin er í Reykjanesbæ ár hvert. Sigurlag keppninnar verður notað sem einkennislag fyrir Ljósanótt, menningar- og fjölskylduhátíð Reykjanesbæjar,sem haldin er fyrstu helgina í september.
Hádegistónleikar í Hallgrímskirkju
Næstkomandi fimmtudag, þann 22. júní klukkan 12.00, kemur Hörður Áskelsson organisti Hallgrímskirkju og söngmálastjóri þjóðkirkjunnar, fram á fyrstu fimmtudagstónleikum tónleikaraðarinnar „Alþjóðlegt orgelsumar“ á þessu sumri.
Flottar konur í Hafnarfirði
Á vordögum ákváðu þrjár hafnfirskar konur sem þá voru nýbúnar að fjárfesta í reiðhjólum að kanna hug kynsystra sinna í bæjarfélaginu til þess að stofna félagsskap um hjólreiðar. Eftir samtöl við konur á öllum aldri kom í ljós gríðarlegur áhugi fyrir slíku félagi.
Ævintýraveröld ófétanna
Agnarlitlu ófétin eiga heima í blómum og fljúga á fiðrildum. Í heimi þeirra er hið smáa risavaxið og allt er fullt af undrum og óvæntum uppákomum. Stilkar blómanna eru eins og trjábolir og grasþykknið er eins og þéttur frumskógur.
Ghostigital í Hyde Park
Hljómsveitin Ghostigital spilar á Wireless hátíðinni í Hyde Park sunnudaginn 25. júní næstkomandi.
Tónleikar í 12 tónum í dag
Í dag kl 17:00 verða haldnir tónleikar í verslun 12 Tóna við Skólavörðustíg. Þar kemur fram dansk/hollenska dúóið "The Story of Modern Farming"
SS bakhjarl "Einnar með öllu" á Akureyri
Vinir Akureyrar og Sláturfélag Suðurlands undirrituðu í dag samning sem felur í sér að SS bætist í hóp öflugra fyrirtækja sem eru bakhjarlar Fjölskylduhátíðarinnar “Ein með öllu,” sem haldin hefur verið undanfarin fimm ár á Akureyri um verslunarmannahelgina.
Mezzoforte í Ungverjalandi
Mezzoforte spilaði í Ungverjalandi í fyrsta skipti um helgina en þar var hljómsveitinni afar vel tekið. Hljómsveitin er nú á leið norður í land og spilar á Græna Hattinum föstudaginn 23. júní og í Egilsbúð 24. júní á Jazzhátíð Egilsstaða á Austurlandi.
Vill ekki verða steinn í veggnum
Fyrrverandi Pink Floyd meðlimurinn Roger Waters, sem mánudaginn 12. júní spilaði fyrir um 15.000 Íslendinga í Egilshöll, hefur aflýst fyrirhugðum tónleikum sínum í Tel Aviv í Ísrael og fært þá í friðarþorpið Neve Shalom/Wahat al-Salam sem byggt er bæði byggt Palestínumönnum og Ísraelum.
Jafningjafræðslan fagnar í kjallara Hins hússins
Næstkomandi fimmtudag mun Jafningjafræðslan opna nýja heimasíðu. Af því tilefni verður haldin allsherjar uppákoma í kjallara Hins hússins. Ýmis tónlistaratriði ásamt dansi og ljósmyndasýningu er meðal þess sem í boði er.
Dr. Mister & Mr. Handsome
Íslenska danshljómsveitin "Dr. Mister & Mr. Handsome" hefur komið fram á íslenska tónlistarmarkaðinn eins og þruma úr heiðskíru lofti á þessu ári. Hljómsveitin gerði sér lítið fyrir og tyllti sér í 1. sæti Netlista Tónlist.is í þessari viku með nýjasta smelli sínum "Is it Love?"
PÍPÓLA á Sirkus
Sirkus leitar að tveimur þáttarstjórnendum til að stýra nýjum íslenskum sjónvarpsþætti, Pípóla, í sumar. Nafn þáttarins er gamallt íslenskt orð sem þýðir leika, dansa, spila.
