Innlent
Fjórir á slysadeild eftir árekstur
Fjórir voru fluttir á slysadeild eftir árekstur þriggja bíla á mótum Norðurfells og Vesturbergs um níuleytið í gærkvöldi en meiðsl allra reyndust minniháttar.
17,5 prósentustiga aukning á fé til vegaframkvæmda
Fjármagn sem ríkið eyðir í vegaframkvæmdir hefur aukist um 17,5 prósentustig frá árinu 1998 til yfirstandandi fjárlagaárs eftir því sem segir í vefriti fjármálaráðuneytisins.
Stal sex páskaeggjum úr búð
Tuttugu og sex ára karlmaður var í gær ákærður fyrir þjófnað og fjársvik. Maðurinn er ákærður fyrir að stela fartölvu í Verzlunarskólanum í febrúar síðastliðnum. Í apríl gerði maðurinn sér svo lítið fyrir og stal sex páskaeggjum úr verslun 11/11 að verðmæti tæplega átta þúsund krónur.
Hafa náð tíu kílóum af fíkniefnum í ár
Tollgæslan á Keflavíkurflugvelli hefur lagt hald á um tíu kíló af fíkniefnum það sem af er ári. Það er jafn mikið magn og allt árið í fyrra. Helmingur magnsins er kókaín. Meðalaldur lögbrjótanna er tæplega 25 ár, sá yngsti var 17 ára.
Meðalaldur starfsmanna stórmarkaða lækkar um 7 ár
Meðalaldur félagsmanna VR sem vinna í stórmörkuðum hefur lækkað um heil sjö ár síðan árið 2000 og segir á heimasíðu VR að félagið hafi heyrt dæmi þess að ungmenni á aldrinum 13 til 14 ára vinni langtum meira en kveðið er á um í reglugerð um vinnu ungmenna.
Tryggingasvikin skipta þúsundum
Lögreglan fær aðeins brotabrot af öllum tryggingasvikum á sitt borð á ári, eða þrjú til fjögur. Útilokað er að þau séu svona fá, að mati framkvæmdastjóra hjá Sjóvá. Þau séu frekar um tvö þúsund á ári. Sjóvá fer í átak gegn svikunum.
Tveimur flatskjám stolið í austurborginni
Tveimur flatskjám var stolið úr raftækjaverslun í austurborginni um hálfþrjúleytið í nótt. Verðmæti þeirra er samtals á áttunda hundrað þúsunda. Þjófarnir brutu stóra rúðu til að komast inn í verslunina en þeir komust undan og er þeirra nú leitað.
Telja í lagi að Davíð tjái sig um pólitík
Formaður bankaráðs Seðlabankans segir ekkert mæla gegn því að Davíð Oddsson tjái sig um pólitísk álitamál. Prófessor í stjórnmálafræði segir vandann fremur liggja í pólitískum ráðningum en að Davíð hafi pólitískar skoðanir.
Of mörg börn bíða þjónustu
„Það bíða of margir nemendur eftir þjónustu sálfræðings eins og staðan er núna en verið er að vinna í því að stytta biðlistann,“ segir Þorsteinn Hjartarson, skólastjóri Fellaskóla.
Heimilisofbeldismál enda sjaldnast í ákærumeðferð
Innan við eitt prósent heimilisofbeldismála hafa verið tekin til ákærumeðferðar. Nauðsynlegt að breyta löggjöfinni um nálgunarbann, segir Bjarnþór Aðalsteinsson. Ofbeldismenn verði fjarlægðir af heimilum.
Bílvelta nærri Akureyri
Bíll valt á hringveginum norðan Akureyrar til móts við bæinn Grjótgarð laust fyrir tvö í nótt. Ökumaður var einn í bílnum og var hann fluttur á Fjórðungssjúkrahúsið á Akureyri en ekki er vitað um meiðsl hans.
Stunginn með hnífi í bakið
26 ára gamall maður leitaði á slysadeild í Reykjavík upp úr eitt í nótt eftir að hafa verið stunginn með hnífi í bakið. Hann þekkti til árásarmanns síns og náðist sá á hlaupum um hálffjögur í nótt, skammt frá heimili sínu í austurborginni.
Fjórðungur sveitarstjóra er konur
Konur eru bæjarstjórar í tveimur af tuttugu fjölmennustu sveitarfélögum landsins, Mosfellsbæ og Árborg. Sextán konur eru sveitarstjórar á landinu, en sveitarfélög landsins eru 79.
Fá tölvur sem nýtast í fjarnámi
Styrktarfélag Krabbameinssjúkra barna og EJS, umboðsaðili Dell á Íslandi, skrifuðu í liðinni viku undir samstarfssamning, en öll börn á aldrinum tíu til átján ára sem greinast með krabbamein munu fá Dell fartölvu að gjöf frá EJS.
Unnið að framgangi málsins
Enn hefur ekki verið ákveðið hvenær sala Reykjavíkurborgar á hlut borgarinnar í Landsvirkjun, til íslenska ríkisins, gengur í gegn. Reykjavíkurborg á 45 prósent í Landsvirkjun, íslenska ríkið 50 prósent og Akureyrarbær fimm prósent. Ráðandi meirihluti í borgarstjórn hefur lýst því yfir að hann ætli sér að selja hlutinn, að því gefnu að sanngjarnt verð fáist fyrir hlutinn.
20 milljónir frá íslenska ríkinu
Íslensk stjórnvöld munu veita sem svarar tuttugu milljónum króna til neyðar- og mannúðaraðstoðar í Darfúr-héraði í Súdan, samkvæmt ákvörðun Valgerðar Sverrisdóttur utanríkisráðherra.
Vantar ríflega 100 starfsmenn
Alls vantar starfsfólk í 105 stöðugildi á leikskólum og 28 stöðugildi í grunnskólum borgarinnar. Þetta kom fram á fundi menntasviðs sem haldinn var í gær. Ragnhildur Erla Bjarnadóttir, aðstoðarsviðsstjóri menntasviðs segir jákvæðu fréttirnar þær að staðan sé betri en á sama tíma í fyrra.
250 dýr enn óveidd
Enn á eftir að veiða 250 hreindýr af 909 dýra kvóta á hreindýraveiðisvæðunum á Austurlandi. Veiðar hafa gengið treglega að undanförnu því þoka hefur legið yfir stórum hluta veiðisvæðanna.
Grafir langt fram á þessa öld
Fyrsta áfanga framkvæmdarinnar við nýjan duftgarð í Sóllandi í Fossvogsdal er lokið, segir Þorgeir Adamsson, garðyrkjustjóri kirkjugarða Reykjavíkurprófastsdæma. Landmótuninni er lokið að stórum hluta til, segir Þorgeir. Það er vonast til að kannski verði hægt að taka hluta garðsins í notkun árið 2008.
Nefndin vill fá álit almennings
Nefnd sem vinnur að heildarendurskoðun laga um grunnskóla auglýsir eftir athugasemdum og ábendingum frá almenningi um hvaða meginsjónarmið ætti að hafa að leiðarljósi við endurskoðunina og hver framtíðarsýn eigi að vera í málefnum grunnskólans.
Efling atvinnulífs mikilvæg
Mikilvægt er að sú umræða sem verið hefur um Austurland undanfarin ár nýtist til jákvæðrar kynningar á landshlutanum og hjálpi til við að skjóta fleiri stoðum undir atvinnu- og félagslíf. Þetta var eitt af því sem fram kom á byggðaþingi undir yfirskriftinni Lífið eftir virkjun sem haldið var á Hallormsstað um helgina.
Bryndís ráðin aðstoðarrektor
Bryndís Hlöðversdóttir, fyrrverandi þingmaður Samfylkingarinnar, hefur verið ráðin aðstoðarrektor Háskólans á Bifröst í stað Magnúsar Árna Magnússonar sem lét af störfum fyrir helgi.
Vantar betri leiðbeiningar
Ragnar Árnason, forstöðumaður vinnumarkaðssviðs hjá Samtökum atvinnulífsins, gagnrýnir Þjóðskrána fyrir lélega upplýsingagjöf í tengslum við umsóknir fyrirtækja um kennitölur til erlendra starfsmanna sem koma til starfa hér á landi.
Segir kröfur Þórólfs fráleitar
Gunnlaugur Sævar Gunnlaugsson, stjórnarformaður Icelandic Group, segir kröfur Þórólfs Árnasonar, forstjóra Skýrr og fyrrverandi forstjóra Icelandic Group, fráleitar en hann hefur ákveðið að höfða mál á hendur félaginu vegna vanefnda á kauprétti á hlutabréfum, eins og greint hefur verið frá í Fréttablaðinu. Þórólfur var forstjóri Icelandic Group í rúma fjóra mánuði en hann hætti störfum hjá félaginu 13.október í fyrra.
Sjúklingar sendir á milli landshluta
Tvo til fimm starfsmenn vantar til starfa á hvert sjúkrahús á Austurlandi. Vegna mönnunarvanda við sjúkrahúsin í fjórðungnum hefur þurft að senda sjúklinga á milli byggðarlaga.
Taka verður tillit til veðráttunnar
„Við erum þegar farnir að velta fyrir okkur hvers konar aðstöðu verði best að koma upp fyrir reykingafólk,“ segir Kormákur Geirharðsson, annar eigandi Ölstofunnar.
Ógnaði lífi ungrar konu
Tæplega þrítugur karlmaður hefur verið úrskurðaður í gæsluvarðhald fyrir að ógna og ráðast á unga sambýliskonu sína. Maðurinn réðist að konunni vopnaður hnífi aðfaranótt sunnudagsins. Lögregla var kvödd að heimili konunnar í Vesturbænum og handtók manninn. Kom í ljós að konan hafði rispast við árásina en sloppið við stungusár.
Með hass og hníf á búðarápi
Nítján ára karlmaður var ákærður í Héraðsdómi Reykjavíkur í gær fyrir ýmis lögbrot. Maðurinn var ákærður fyrir að hafa í vörslu sinni smáræði af hassi sem lögreglumenn fundu við húsleit í maímánuði í fyrra, en þá var maðurinn átján ára að aldri.
Þriggja bíla árekstur í Breiðholtinu
Lögregla og slökkvilið var kallað út á tíunda tímanum í kvöld vegna áreksturs þriggja bíla á mótum Norðurfells og Vesturbergs í Breiðholti í Reykjavík. Einn var fluttur á slysadeild.
Ekki í skóla nema að landslög séu brotin
Fjöldi nýbúabarna hefur ekki getað byrjað í skóla í haust þar sem þau hafa enn ekki fengið kennitölu. Margra vikna bið er eftir kennitölum hjá þjóðskrá og á meðan geta skólayfirvöld ekki leyft þeim að fara í skólann nema brjóta landslög.
Mest lesið
