Innlent
Þagnar rokkið?
Grasrótarmiðstöð fyrir unga rokkara og aðra tónlistarmenn verður lokað vegna rekstrarerfiðleika um áramót ef ekki kemur til stuðningur frá borginni. Upphafsmaður miðstöðvarinnar segir borgina gera upp á milli tómstundaiðju unglinga.
Hollendingurinn játaði sína sök
Eitt umfangsmesta fíkniefnasmygl síðari ára var tekið fyrir í Héraðsdómi Reykjavíkur í dag. Þrír Íslendingar og einn Hollendingur eru ákærðir fyrir innflutning og vörslu á fimmtán kílóum af amfetamíni og tíu af kannabis. Íslendingarnir báru af sér sakir en Hollendingurinn játaði að mestu.
Bakkavör Group hækkar hlutafé
Hlutafé Bakkavarar Group hefur verið aukið um 23.979.203 hluti í samræmi við 3. gr. samþykkta félagsins, til að efna skuldbindingar félagsins samkvæmt breytanlegum skuldabréfum í eigu Kaupþings banka hf.
Fitch segir lánshæfishorfur Straums stöðugar
Matsfyrirtækið Fitch Ratings staðfesti í dag lánshæfiseinkunnir Straums-Burðaráss Fjárfestingabanka hf. Matsfyrirtækið gaf bankanum langtímaeinkunnina BBB-, skammtímaeinkunn F3, óháða einkunn C/D og stuðningseinkunnina 3. Horfur lánshæfiseinkunnanna eru stöðugar, að mati Fitch.
Andstaða gegn aðild að hernaði
Stjórnarandstaðan er andvíg því að Íslendingar taki þátt í hernaðaraðgerðum NATO í Afganistan með loftflutningum á tækjum og mannskap, eins og forsætisráðherra boðaði á leiðtogafundi bandalagsins í Ríga í gær.
Lóðarmál í Norðlingaholti tekið upp á fundi borgarráðs
Samfylkingin hyggst kalla eftir upplýsingum og svörum borgarstjóra á fundi borgarráðs í dag í tengslum við kaup borgarinnar á fjögurra hektara svæði í Norðlingaholti á 208 milljónir króna.
Umferðarsektir hækka á morgun
Sektir vegna umferðarlagabrota hækka umtalsvert á morgun. Sektirnar geta numið allt að 300 þúsund krónum sé ekið á meira en 170 km hraða. Þá varða viðurlög á brotum á reglum um aksturs- og hvíldartíma nú sekt og punkti eða punktum í ökuferilsskrá.
Óvissa með mengun eftir stækkun álvers
Lúðvík Gústafsson, deildarstjóri umhverfissviðs Reykjavíkurborgar, segir stækkun álversins ekki hafa verið rædda í umhverfisráði enda hafi engin beiðni komið um að það yrði gert.
Blaðamaður réði sig til starfa á Grund
Bæta þarf þjónustu við aldraða til muna segir Ingibjörg Dögg Kjartansdóttir, blaðamaður hjá tímaritinu Ísafold, sem villti á sér heimildir þegar hún réði sig á elliheimilið Grund í vikutíma og skrifaði grein um aðbúnað vistmanna þar.
Málið tekið fyrir í yfirrétti á Englandi
Málflutningur í máli Hannesar Hólmsteins Gissurarsonar prófessors og Jóns Ólafssonar kaupsýslumanns, í yfirrétti á Englandi, fer fram í dag.
Ætluðu að stela 300 kílóa hraðbanka
Tveir menn reyndu að fremja klaufalegt rán í gær. Ránið var í beinni útsendingu. Starfsmaður Landsbankans segir hraðbankann hafa verið illa festan.
Telur að stórefla þurfi verð- eftirlit á matvörumarkaði
Formaður Verkalýðsfélags Húsavíkur og nágrennis óttast að matvöruverð hækki á næstu mánuðum og telur að stórefla þurfi eftirlit með verðlagningu matvara. Formaður SVÞ telur enga hættu á verðhækkun.
Gengur vel að ráða í Reyðarfjörðinn
Alcoa Fjarðarál hefur auglýst eftir 400 starfsmönnum fyrir álverið á Reyðarfirði. Auglýst er eftir fólki í framleiðslustörf og skrifstofustörf, rafvirkjum og vélvirkjum og sérfræðingum á rannsóknarstofu.
Greiða 208 milljónir fyrir fjóra hektara
Reykjavíkurborg greiddi 208 milljónir fyrir fjóra hektara í Norðlingaholti. Upphæðin er samkvæmt niðurstöðu matsnefndar eignarnámsbóta sem borgarráð ákvað í vor að skjóta til dómstóla. Borgarritari segir forsendur hafa breyst.
Ferð til Íslands í brúðkaupsgjöf
Hakan og Aylin eru ritstjórar tímaritsins Bant í Tyrklandi, en þau fengu heldur óhefðbundna brúðkaupsgjöf. 35 vinir þeirra lögðu í púkk og gáfu þeim ferð til Íslands.
Birni falið að ganga frá kaupum
Ríkisstjórn Íslands fer yfir niðurstöðu skýringaviðræðna íslenskra yfirvalda og skipasmíðafyrirtækisins Asmar á ríkisstjórnarfundi á morgun.
Um 20.000 manns standa utan viðurkenndra trúfélaga
Um 84 prósent Íslendinga eru í Þjóðkirkjunni, samkvæmt tölum þjóðskrár, og hefur þeim fækkað um eitt og hálft prósent á einu ári. Þeim sem eru skráðir í önnur trúfélög eða eru ótilgreindir hefur hins vegar fjölgað um þrjú þúsund manns, og eru nú fjögur prósent landsmanna.
Fleiri komur í Kvennaathvarf
Í fyrra var metár í komum kvenna í Kvennaathvarfið og stefnir í enn meiri fjölda í ár. Þetta var meðal þess sem kom fram á fundi sem Fræðslunefnd Stéttarfélags íslenskra félagsráðgjafa stóð fyrir í gær og var yfirskrift fundarins ofbeldi á heimilum.
Fjöldi kókaínfíkla hefur tuttugufaldast
Kókaínfíklum í meðferð á Vogi hefur fjölgað úr tíu á ári í yfir 200 á innan við áratug. Neyslan almennari og tengd breyttum skemmtanahefðum segir yfirlæknir á Vogi. Metmagn af kókaíni hefur verið gert upptækt á þessu ári.
Elsta félag Íslands 190 ára
Hið íslenzka bókmenntafélag var stofnað árið 1816. Félagið hefur í 190 ár staðið fyrir útgáfu fjölda fræðirita sem eru þjóðinni ómetanleg. Félagið hefur einnig gefið út tímaritið Skírni í 180 ár samfellt.
Átta stefna á forystusæti VG
Átta af 30 þátttakendum í forvali Vinstrihreyfingarinnar - græns framboðs á höfuðborgarsvæðinu vilja leiða lista á höfuðborgarsvæðinu. Flokkurinn heldur sameiginlegt forval fyrir Reykjavíkurkjördæmin tvö og Suðvesturkjördæmi. Báðir þingmenn flokksins í Reykjavík sækjast eftir endurkjöri.
Maðurinn er alvarlega slasaður
Ekið var á hjólreiðamann á fimmtugsaldri í Flatahrauni í Hafnarfirði á miðvikudagsmorgun.
Bætur vegna hlerana
Karlmanni hafa verið dæmdar 50 þúsund krónur í miskabætur vegna þess að lögreglan á Sauðárkróki hleraði síma hans í desember árið 2004. Dómurinn var kveðinn upp í Héraðsdómi Reykjavíkur.
Fyrsta konan til að gegna starfinu
Sigrún Björk Jakobsdóttir tekur við starfi bæjarstjóra á Akureyri 9. janúar næstkomandi. Þá sest Kristján Þór Júlíusson, fráfarandi bæjarstjóri, í stól forseta bæjarstjórnar en Sigrún hefur gegnt því embætti á þessu kjörtímabili. Kristján Þór mun leiða lista Sjálfstæðisflokksins í Norðausturkjördæmi í komandi alþingiskosningum en hann hlaut fyrsta sæti í prófkjöri flokksins í liðinni viku.
Aukning um 738 milljónir
Sérstakri fjárveitingu upp á samtals 560 milljónir króna er varið til að mæta rekstrarhalla heilbrigðisstofnana samkvæmt tillögu meirihluta fjárlaganefndar við meðferð fjáraukalaga. Tillagan var afgreidd úr nefndinni í gær og er stefnt að afgreiðslu laganna í dag.
Ástæðan er verðhækkun olíu
Losun kolefnis í formi koltvísýrings út í andrúmsloftið hefur aukist um 2,5 prósent á ári frá árinu 2001 en losunin jókst um eitt prósent árlega fram til ársins 2000. Þetta kemur fram á bloggsíðu Einars Sveinbjörnssonar, aðstoðarmanns umhverfisráðherra, www.esv.blog.is.
Dagsbrún tapaði 3,2 milljörðum
Dagsbrún tapaði 3,2 milljörðum króna á þriðja fjórðungi ársins. Þetta er nokkuð meira en greiningardeild Glitnis reiknaði með en hún spáði 2,8 milljarða króna tapi á fjórðungnum.
Frumvarp afgreitt úr nefnd
Dagný Jónsdóttir, annar af fulltrúum Framsóknarflokksins í menntamálanefnd, lagði fram yfirlýsingu á fundi nefndarinnar í gærkvöldi um að Framsóknarflokkurinn styddi afgreiðslu frumvarpsins um Ríkisútvarpið ohf. úr nefndinni á fundinum.
Sátt um miskabætur vegna rangrar fréttar
Útgáfufélag DV hefur samið við Holberg Másson um greiðslu miskabóta vegna fréttar sem birtist í DV 24. janúar síðastliðinn. Í fréttinni sagði meðal annars að Holberg hefði smyglað hassi til landsins í loftbelg á áttunda áratugnum.
Staðfesta ósk um eignarnám
Bæjarstjórn Kópavogs ákvað samhljóma á fundi á þriðjudag að leita heimildar umhverfisráðherra fyrir eignarnámi á 863 hektörum lands úr Vatnsendajörðinni. Samkvæmt samkomulagi við Þorstein Hjaltested, landeiganda á Vatnsenda, verður umsamið verð fyrir landið ekki gert opinbert fyrr en hefur veitt eignarnámsheimildina.
