Skotin flugu milli Bolla og Hjamma

„Ég held að við séum betur stemmdir í hausnum heldur en mörg önnur lið,“ segir Hjálmar.

„Ég myndi ekki halda að hausinn sé neitt betri í Árbænum en annarsstaðar, þeir skriðu í gegnum þessi undanúrslit, þetta var mjög ósannfærandi,“ segir Bolli á meðan Hjálmar hlær og hristir hausinn.

„Svo skemmir ekki fyrir að stelpurnar okkar unnu bikar síðustu helgi,“ bætir Bolli við.

„Svo er mjög gaman að sjá að við erum búnir að selja rúmlega þúsund miða á meðan Þróttarar eru í 500,“ segir Hjálmar og skellihlær.

„Nei, 600,“ segir Bolli. „Þetta kemur allt með kalda vatninu, við höfum engar áhyggjur.“

Þeir sammældust um að það verði uppselt á leikinn á morgun og hlakka mikið til. Stórskemmtilegan dúett þeirra má sjá í spilaranum.

Þróttur og Fylkir mætast klukkan 16:15 á morgun. Leikurinn verður sýndur á Livey og lýst í beinni textalýsingu hér á Vísi.