Von á vaxandi suð­austan­átt og rigningu

Á vef Veðurstofunnar segir að er líði á daginn megi búast við skúraveðri á Suðausturlandi.

Í kvöld er síðan von á lægð með vaxandi suðaustanátt og rigningu.

Hiti verður á bilinu fimm til þrettán stig, svalast norðaustanlands.

Á morgun verður suðaustan strekkingur eða allhvass vindur og rigning, sums staðar talsverð um tíma. Síðdegis snýst í suðvestanátt og dregur úr úrkomu á suðvestanverðu landinu.

Á fimmtudag er útlit fyrir norðlæga eða breytilega átt og rigningu með köflum, en styttir víða upp er líður á daginn.

Veðurhorfur á landinu næstu daga

Á miðvikudag: Austan og suðaustan 10-18 m/s, hvassast syðst. Rigning, víða talsverð, og hiti 7 til 12 stig.

Á fimmtudag: Hæg norðlæg eða breytileg átt, en norðvestan 8-13 suðvestantil. Dálítil rigning eða skúrir og hiti 8 til 13 stig.

Á föstudag: Austan 5-10 m/s og rigning, en stöku skúr norðantil. Hiti breytist lítið.

Á laugardag: Stíf norðaustanátt norðvestantil, en annars hægari vindur. Rigning, en skúrir á sunnanverðu landinu. Áfram milt í veðri.

Á sunnudag: Breytileg átt, skýjað með köflum og sums staðar dálítil væta.

Á mánudag: Útlit fyrir ákveðna suðaustanátt og rigningu