Hundrað metra met Bolt „fallið“

Í Peking fer nú fram heimsmeistaramót vélmenna í ýmsum íþróttagreinum þar sem yfir 2.000 vélmenni í 666 liðum etja kappi. Í undarásum í 100 metra spretthlaupi hlupu tvö vélmenni á betri tíma en heimsmet Bolt.

Eins og sést í meðfylgjandi myndbandi var það ekki startið sem tryggði þennan ótrúlega tíma en vélmennin bættu heldur betur í hraðann og komu raunar svo hratt í mark að þau klesstu harkalega á dýnuna við enda brautarinnar.

Tæknin á bakvið vélmennin hefur engu að síður tekið ótrúlegum framförum frá síðasta móti sem haldið var í fyrra þar sem besti tíminn var 21,5 sekúnda.