Efni­legur ástralskur kylfingur lést að­eins á­tján ára

Bang þótti afar efnilegur kylfingur og vann sitt fyrsta atvinnumannamót fyrr á þessu ári.

Hún var að undirbúa sig fyrir mót í Taílandi þegar hún hné niður. Bang var flutt á spítala í Bangkok þar sem hún gekkst undir bráðaaðgerð á heila. 

Eftir að hafa legið á gjörgæslu í tvær vikur lést Bang í gær.

Bang vann sér þátttökurétt á WPGA-mótaröðinni í Ástralíu undir lok síðasta árs. Í yfirlýsingu frá WPGA segir að Bang hafi verið einstök ung hæfileikakona.

„Hugur og bænir allra hjá WPGA-mótaröðinni og ástralska golfsamfélaginu eru hjá fjölskyldu Jessicu, vinum og öllum þeim sem þekktu hana og elskuðu á þessum gríðarlega erfiðu tímum,“ segir í yfirlýsingunni.