Atvinnulíf

50+ konur eru fram­tíðin fyrir gjörbreyttan vinnu­markað

Rakel Sveinsdóttir skrifar
Það skyldi þó ekki vera að reynsla kvenna muni verða þeim sérstaklega til framdráttar á gjörbreyttum vinnumarkaði framtíðarinnar? Meðal annars aðlögunarhæfni og fleira, sem fylgir konum sérstaklega, s.s. vegna barneigna, að sjá um þriðju vaktina og fleira.
Það skyldi þó ekki vera að reynsla kvenna muni verða þeim sérstaklega til framdráttar á gjörbreyttum vinnumarkaði framtíðarinnar? Meðal annars aðlögunarhæfni og fleira, sem fylgir konum sérstaklega, s.s. vegna barneigna, að sjá um þriðju vaktina og fleira. Vísir/Getty

Það er svo oft verið að tala niður ný atvinnutækifæri fólks yfir fimmtugt og lengi hefur nú verið rætt um að halli á konur frekar en menn í einkageiranum í atvinnulífinu.

Þegar fyrirsögn talar hins vegar um að 50+ konur eigi sérstaklega spennandi og góð tækifæri framundan á vinnumarkaði er því vert að rýna í málin.

Í grein sem birtist á FastCompany nýlega var fyrirsögnin einfaldlega:

Why women over 50 are the future of work in the age of AI

Eða:

Hvers vegna konur yfir fimmtugt eru framtíðin á vinnumarkaði gervigreindar

Og hvers vegna í ósköpunum ætti það nú að vera?

Jú, svo skemmtilega vill til að greinarhöfundur telur að margt af því sem konur fara sérstaklega í gegnum í lífinu sé nú að fara að nýtast þeim sérstaklega.

Til dæmis það að hafa vegna barneigna þurft að taka sér hlé frá störfum, unnið hlutastörf eða skipt um vinnu á þeim tíma sem barneignir og uppeldi kölluðu hvað mest á það.

Og eins má lesa í gegnum línurnar hvernig það að konur sjái um þriðju vaktina, tengi kynslóðir saman, sjái um heildina, passi upp á teymið og svo framvegis… sé líklegt til að hjálpa líka.

Sett í samhengi við stórtækar breytingar á vinnumarkaði næstu ár og áratugi, er allt sem snýr að reynslu og getu til að takast á við breytingar, auka á sveigjanleika, aðlagast upp á nýtt, vinna með breytingar, láta teymisvinnuna ganga og svo framvegis. Allt eru þetta atriði sem konur búa einfaldlega yfir, meðal annars vegna þess að þær fara í gegnum svo miklar breytingar á starfsferlinum sem karlmenn þurfa síður að taka á sig eða hafa gert í minna mæli.

Hvort konur muni uppskera af þessu á vinnumarkaði framtíðarinnar skal ósagt látið hér, en alls eru þetta níu atriði sem greinarhöfundur telur konur búa yfir í reynslu og getu, sem muni einfaldlega gera þær að sérstaklega góðum kosti fyrir atvinnulíf framtíðarinnar.

Grein FastCompany má lesa hér.

Jafnréttismál Vinnumarkaður 50+

Tengdar fréttir

Fjárfestu í karllægum félögum og báðu síðan um fund með forstjóranum

Erla Ósk Ásgeirsdóttir, stjórnarkona og fjárfestir, tók við formennsku Jafnvægisvogar FKA í febrúar á þessu ári. Hún segist sérstaklega horfa til þess að fá fleiri skráð félög, lífeyrissjóði, ríkisfyrirtæki og sveitarfélög til að skrá sig í Jafnvægisvogina, enda sé þetta hópur vinnustaða sem samfélagið horfi til sem fyrirmynda og þurfi að sýna gott fordæmi.

„Sé fyrir mér að fara að vinna færri daga og öðruvísi verkefni“

„Við vorum svo dugleg að ræða þetta allt fyrir fram,“ segir Rannveig Rist forstjóri Rio Tinto álversins í Straumsvík og gefur okkur um leið innblástur fyrir það hvernig ungt fólk getur mætt þriðju vaktinni svokallaðri; með markvissum samskiptum um hver á að gera hvað, hverjum finnst skemmtilegast að gera hvað og hver er bestur í hverju.

Boða alvöru breytingar í jafnréttismálum efnahags- og atvinnulífs

„Ísland hefur mikið fram að færa á sviði jafnréttismála og á okkur er hlustað á alþjóðavettvangi í þeim efnum,” segir Katrín Jakobsdóttir, stjórnarformaður nýs Rannsóknarseturs um jafnrétti í efnahags- og atvinnulífi og fyrrum forsætisráðherra.



Mest lesið


Fleiri fréttir

Sjá meira


×

Mest lesið