Skoða hvort kepp­endur séu að stækka brjóstin með púðum

Hollenska liðið Wielerflits kvartaði til yfirvalda undan ónefndum keppinautum, sem eru sagðir hafa logið til um brjóstastærð við mælingu og síðan troðið einhvers konar uppfyllingarefni í of stóra brjóstahaldara við keppni.

Allt er þetta gert í von um minni loftmótstöðu.

Með því að stækka bringusvæðið fæst betra loftflæði og þar af leiðandi minni loftmótstaða. Þetta kann að hljóma þveröfugt en er þekkt fyrirbæri innan hjólreiðanna. Bringubrynjur eru þess vegna bannaðar, í bæði karla- og kvennahjólreiðum.

Héðan í frá verður sérstaklega athugað, fyrir hvert stig Frakklandshjólreiðanna, hvort keppendur séu búnir að troða púðum inn á brjóstahaldara sinn.

Málið minnir mjög á typpastækkunar-skandalinn sem skók Vetrarólympíuleikana. Líkt og í skíðastökki er bannað að eiga við keppnisbúning í hjólreiðum.