Sjáðu Tryggva stíga trylltan dans, vítakeppni Stjörnunnar og mark Vestra

Zrinjski Mostar - Valur 2-2 (2-3)

Tryggvi Hrafn Haraldsson og Frederik Schram voru hetjur Valsmanna í einvíginu gegn Zrinjski Mostar. Tryggvi skoraði sigurmarkið í 1-0 sigri í fyrri leiknum og skoraði svo bæði mörk Valsmanna í 2-2 jafntefli í gærkvöld. Patrick Pedersen lagði bæði mörkin upp fyrir Tryggva í gær. Frederik varði víti undir lokin og tryggði sigurinn.

Ilves - Stjarnan 2-1 (2-2) (5-4 í vítakeppni)

Stjarnan lifði á lyginni lengi vel og skoraði algjört heppnismark, sem kom eftir skot Bjarka Haukssonar en skráist sem sjálfsmark á markmanninn Faris Krkalic. Tap varð niðurstaðan eftir vítakeppni.

Vestri – RFS 1-1 (2-5)

Þórður Gunnar Hafþórsson skoraði fyrir Vestra í gærkvöld, líkt og í fyrri leiknum. Vestri gerði jafntefli í gær en tapaði einvíginu 2-5 samanlagt.