Einn í sjálf­heldu í Emstrum og annar fót­brotnaði á Falljökli

Klukkkan tuttugu mínútur í fimm sídegis í dag barst Landhelgisæslunni tilkynning um ferðamann sem hafði fótbrotnað á Falljökli í Öræfum, að sögn Magnúsar Pálmars Jónssonar, aðgerðarstjóra Landhelgisgæslunnar. Óskað hafi verið eftir aðstoð Landhelgisgæslunnar við flutning viðkomandi til aðhlynningar í Reykjavík. 

Nú sé önnur þyrla á leið að Emstrum að Fjallabaki að aðstoða einn í „sjálfheldu,“ segir Magnús. 

Hin þyrla Gæslunnar sé á leið í Borgarnes eftir að tilkynning barst um mann á kajak á hafi úti. Gæslan sé á leið á svæðið til að leita af sér allan grun en málið sé enn afar óljóst. 

Auk þess hafi verið óskað eftir aðstoð þyrlunnar við flutning manns sem lenti í mótorhjólaslysi í Dýrafjarðargöngum á Vestfjörðum. Hætt hafi verið við aðgerðina en maðurinn verði fluttur frá Ísafjarðarflugvelli til Reykjavíkur með sjúkraflugi í staðinn. 

Maðurinn hafi misst stjórn á mótorhjóli sínu, lent á veggnum gangnanna og misst meðvitund um tíma, að sögn Hlyns Snorrasonar yfirlögregluþjóns á Ísafirði. Maðurinn sé ekki talinn í lífshættu en hafi slasast töluvert. Í kjölfar slyssins hafi göngin verið lokuð í einhvern tíma en séu opin á ný. 

Fréttin hefur verið uppfærð eftir að lögreglan á Vestfjörðum leiðrétti mál sitt. Mótorhjólaslysið átti sér stað í Dýrafjarðargöngum, ekki Vestfjarðagöngum eins og fyrr sagði.