Hjálpaði Zverev á fætur og vann svo Wimbledon-mótið aftur

Zverev vann fyrstu lotuna en Sinner svaraði fyrir sig og tryggði sér titilinn með því að vinna næstu þrjár lotur en loturnar fóru svona: 6–7 (7-9), 7–6 (7-2), 6-3, 6–4.

Sinner þótti líka sýna mikla íþróttamennsku þegar Zverev féll til jarðar og kveinkaði sér, því Ítalinn hljóp rakleitt yfir til hans og hjálpaði honum á fætur.

Sinner, sem er 24 ára og efstur á heimslistanum, hefur nú unnið fimm risamót á ferlinum. Zverev, sem vann sitt fyrsta risamót á Opna franska í sumar, er í þriðja sæti listans.

Sinner hefur nú unnið Zverev í tíu leikjum í röð og kannski ekki að undra að Þjóðverjinn skyldi grínast og segja: „Ég kann ekki lengur við þig,“ eftir úrslitaleikinn í dag.