Starfs­leyfi tak­markað vegna lyfjaávísana

Í tilkynningu þess efnis á vef Embættis landlæknis segir að það hafi eftirlit með lyfjaávísunum heilbrigðisstarfsmanna. Eftirlitið byggi annars vegar á frumkvæðisathugunum þar sem lyfjagagnagrunnur embættisins sé notaður. Hins vegar sé um að ræða eftirlit á grundvelli ábendinga frá til dæmis apótekum, Sjúkratryggingum, Lyfjastofnun og heilbrigðisstarfsmönnum.

Frá 1. janúar 2024 til 31. maí 2026 hafi 64 eftirlitsmálum á lækna og tannlækna vegna lyfjaávísana verið lokið. Í sumum tilvikum hafi um fleiri en eitt mál verið að ræða á sama einstaklinginn. Einu máli hafi lokið með takmörkun á starfsleyfi, 10 málum með áminningu og 24 málum með formlegum tilmælum til úrbóta. Viðurlagaúrræðum hafi  ekki verið beitt í 25 málum.

Þann 1. júní 2026 hafi 43 eftirlitsmál vegna lyfjaávísana verið í ferli hjá embætti landlæknis.

„Embætti landlæknis hvetur til ítrustu varúðar við ávísun lyfja, jafnt ávana- og fíknilyfja til dæmis örvandi ADHD-lyfja, ópíóíða, svefnlyfja og slævandi lyfja, sem og annarra lyfja, ekki hvað síst lyfja sem þekkt er að rata mögulega í sölu á svörtum markaði. Má í því samhengi nefna Botox, Ozempic, testósterón og lyf við ristruflunum.“