„Tíma­bilinu sem aldrei hófst er nú lokið“

Hinn 26 ára gamli Daníel Ingi er besti langstökkvari landsins og sló þá þrjátíu ára Íslandsmet Jóns Arnars Magnússonar sumarið 2024 með því að stökkva 8,21 metra.

Daníel Ingi fékk slæmar fréttir á dögunum sem þýða að hann mun ekkert stökkva á 2026-tímabilinu.

„Tímabilinu sem aldrei hófst er nú lokið. Eftir fundi og viðræður við lækna er niðurstaðan sú að ég þurfi að fara í aðgerð á hné og í sex mánaða endurhæfingu í kjölfarið,“ skrifaði Daníel Ingi.

„Það er erfitt að kyngja þessu en þetta er hluti af íþróttinni og ferðalaginu. Á meðan hef ég tíma til að einbeita mér að öðru og byggja mig upp aftur í mitt besta form,“ skrifaði Daníel en það er enginn uppgjöf hjá honum því Daníel hefur sett stefnuna á endurkomu á næsta ári.

„En ég kem til baka sterkari og full vonar um heilbrigðari líkama. Sjáumst á brautinni árið 2027,“ skrifaði Daníel eins og sjá má hér fyrir neðan.